Google+

giovedì 16 novembre 2017

Storia della surcitudine siciliana - 1^ puntata

E la politica si fa mafiusa cu Crispi assittatu alla pultruna di lu guvernu.
1° febbraio 1893, li surci assartanu lu trenu miliciotu e lu banchieri Notarbartulu vola   sutta li fardi di Trabbia, trapassatu ri 27 cutiddati.
Crispi a capu ri li surci ferma la lotta e lu scuntentu di lu populu di li fasci, chiamannu alla guerra la marmaglia mafiusa.
La storia di Palermu, vota e rivota, sempri la stessa pari e nun voli canciari.
12 marzo 1909,  li surci fannu festa alla Marina supra Petrosino, l’amiricanu.
E passanu anni ri grandi scialu.
Mentri li cimici ‘nfestanu e la pesti ‘mpazza,  la festa di lu 1° maggiu addiventa la minnitta di surci patruni di li terri, di li surci sbracati, e la peddi gialla ri li contadini  si la spartinu a muzzicuna!
 La squartanu e si la mancianu senza pinseru la peddi giovani di Placido Rizzotto, era lu 1948!
E nto 1955 lu giovini Carnivali finiu di parlari pi li braccianti e li surci si lu puliziaru.
E doppu li fucilati arrivò la dinamiti!! Nca lu cimentu nun aveva abbastatu a distruggiri sta città!
E fu la guerra fra li surci La Barbera ri porta Nova e li surci di la Nuci , canusciutu assai era lu Grecu cicchiteddu, la ficiru nivura comu li  surci chi cavanu sutta e vannu na vota cca e nuatra dda. A tragidiari fu lu Cavataru.
E Palemmo si la misiru nto saccu!

Girolamu Moncada e Cianciminu, 1600 licenze edilizie sulu a tri pirsone!! tri pristanomi di surci mafiusi.